Eisteddfod Gadeiriol Penrhyn-coch 2025

Braf oedd cael gwahodd bardd buddugol Cadair Eisteddfod Penrhyn-coch i’r ysgol i siarad gyda plant CA2. Diolch o galon Mrs. Lowri Emlyn a llongyfarchiadau mawr! #ysgolpenrhyncoch

Mwy o luniau a deunydd am yr eisteddfod i ddilyn yn fuan

Adroddiad gan Richard Owen

Cynhaliwyd Eisteddfod Gadeiriol Penrhyn-coch nos Wener a dydd Sadwrn diwethaf 4ydd a 5ed o Ebrill. Roedd y cystadlaethau nos Wener yn gyfyngedig i blant ardaloedd Trefeurig, Penrhyn-coch a Phen-
llwyn, ond y cystadlaethau ar y dydd Sadwrn yn ‘agored i’r byd’ fel yr oedden nhw’n arfer
deud ers talwm yn eisteddfodau’r capeli. Neilltuwyd pnawn Sadwrn ar gyfer cystadlaethau i
rai oed uwchradd a nos Sadwrn ar gyfer cystadlaethau oedolion.
Enillydd Tlws yr Ifanc nos Wener oedd Robin Humphreys, Pistyll, Pwllheli, a hynny am stori
fer, ac enillwyd y Gadair nos Sadwrn gan Lowri Emlyn, Penrhyn-coch am gerdd ar y testun
‘Gorwel’.
Y beirniaid nos Wener oedd Lowri Elen, Llambed (cerdd) ac Alaw Mair Jones, Felin-fach
(llefaru), a’r beirniaid ddydd Sadwrn oedd Gareth Wyn Thomas, Rhydaman (cerdd) a Garry
Owen, Yr Hendy (llefaru a llên). Rhaid dweud fod y ddau olaf wedi perfformio ‘double act’
ddoniol iawn nos Sadwrn wrth feirniadu. Fe wnaethon nhw ychwanegu’n helaeth at
ddifyrrwch y noson.
Y Llywydd nos Sadwrn oedd Cemlyn Davies, Caerdydd, un a fagwyd yn y Penrhyn lle mae ei
rieni yn dal i fyw.
Enillwyd cystadleuaeth y côr gan Gôr Penrhyn-coch, gyda Chôr ABC yn ail. Nid yn aml y mae
hynny’n digwydd!

Enillydd y Gadair roddedig gan Deulu y diweddar Tegwyn Lewis – Lowri Emlyn o Benrhyn-coch

Cor Penrhyn-coch oedd yn fuddigol yn yr Eisteddfod

Enillwyr nos Wener 2025
1 Unawd Meithrin Dim cystadlu
2 Llefaru Meithrin Dim cystadlu
3 Unawd (Dosbarth Derbyn) 1 Bella 2 Fflur 3 Myfi
4 Unawd (Blwyddyn 1-2) 1 Leisia 2 Osian 3 Ania
5 Unawd (Blwyddyn 3-4) 1 Siôn 2 Lleucu 3 Joshua
6 Unawd (Blwyddyn 5-6) 1 Ned 2 Iona 3 Poppy
7 Unawd alaw werin (cynradd) 1 Iona 2 Poppy 3 Lleucu
8 Unawd Offeryn Cerdd (cynradd) 1 Iona (Telyn) 2 Kai (Piano) 3 Siôn
(cornet)
9 Unawd Ysgol Uwchradd Dim cystadlu
10 Unawd Offeryn Cerdd (Ysgol Uwchradd) Dim cystadlu
11 Llefaru (Dosbarth Derbyn) 1 Bella 2 Myfi 3 Beau
12 Llefaru (Blwyddyn 1-2) 1 Ania 2 Leisia 3 Theo
13 Llefaru (Blwyddyn 3-4) 1 Math 2 Siôn 3 Lleucu
14 Llefaru (Blwyddyn 5-6) 1 Iona 2 Poppy 3 Anest
15 Llefaru Ysgol Uwchradd. Dim cystadlu
16 Parti Canu 1 Cyfnod Sylfaen 2 CA2
17 Parti Llefaru 1 CA2 2 Cyfnod Sylfaen
18 Sgen ti dalent 1 Iona 2 Anest 3 Ifan, Siôn a Henri
Tlws yr Ifanc (dan 25 oed): Robin Humphreys, Pistyll, Pwllheli